Կնոջ կազմվածքի և բնավորության մեջ կապ կա. 1in.am

Բրիտանացի գիտնականները հայտնաբերել են կանանց լայն կոնքերի և սեքսուալ կյանքի ինտենսիվության միջև կապը, գրում է Lady.ru-ն:Փորձի մասնակիցներ են դարձել սեքսուալ փորձ ունեցող 18-26 տարեկան 148 երիտասարդ կանայք, որոնց կոնքերի լայնությունը մանրամասն չափել են:

36սմ լայնություն ունեցող կոնքը մասնագետները լայն են անվանել, իսկ մինչև 31սմ՝ նեղ:

Կանայք հարցաթերթ են լրացրել, որոնց միջոցով պարզվել է նրանց սեռական կյանքի սկիզբը, զուգընկերների քանակը և հարաբերությունների տևողությունը: Արդյունքում պարզվել է, որ լայն կոնքերով կանայք ավելի հաճախ են ունեցել միանգամյա կապեր և ավելի շատ զուգընկերներ: Հատկանշական է, որ կանայք, որոնց կոնքերը թեկուզ մի քանի սանտիմետրով ավելի նեղ են եղել, ավելի քիչ զուգընկերներ են ունեցել: Կոնքերի լայնության և կանանց սեռական կյանքի ակտիվության միջև կապը, մասնագետների կարծիքով, կարող է կապված լինել ծննդաբերության պրոցեսի հետ: Հավանաբար, լայն կոնքերով կանայք ավելի հեշտ են սեռական կապեր ունենում այն պատճառով, որ երեխաների ծնունդը նրանց համար ավելի հեշտ է, քան նեղ կոնքեր ունեցողներինը, ասվում է ուսումնասիրության մասին արված զեկույցում:

Հարցեր, պատասխաններ, մեկնաբանություններ